蘋果日報
關注性工作者團體紫藤指出,近月接獲性工作者投訴遭警員暴力對待,將其手指「屈」到受傷發腫,甚至有性工作者遭警員以情緒激動為由鎖上手銬,導致手腕受傷,但警員竟訛稱是醫生所為,紫藤炮轟警方濫用暴力。
(閱讀全文)
蘋果日報
民建聯政治新星李慧琼去年當選九龍西議員,作為議會新丁,好多人都認為佢表現不俗,優於黨內其他新人,近日佢同黨友陳仲翔被紫藤批評盜用援交少女資料向外發佈,遭紫藤直斥可恥,更加令李慧琼人氣急升,由於佢係科技大學首個畢業生做議員,有人創作咗一首新歌《我的師姐李慧琼》,將佢譽為「科大之光」。
呢首歌由署名「762」網民創作,佢十分厚愛李慧琼,將佢同日本女藝人廣末涼子相提並論,歌詞有幾句係咁嘅:「我科大嘅師姐佢叫李慧琼,佢大我幾年我哋冇乜偈傾,我呢位師姐阿李慧琼,佢讀書有成都算好生性,終於我喺街,我見番李慧琼,佢搖身一變做咗政治明星。」YouTube有得聽呢首歌 http://www.youtube.com/watch?v=XbUwOfYdsGE
蘋果日報
民建聯立法會議員李慧琼及成員陳仲翔進行的一項援交調查,未經關注性工作者組織紫藤同意,盜用對方有關資料,雖然陳仲翔死撐「紫藤冇話唔畀引用」,但此事已成為政圈及民間團體之間的笑柄。最搞笑的是,民建聯部份聲稱引用紫藤的資料,該會也不知從何而來!
有紫藤中人對單仁說,民記周日舉行記者會公佈「援交調查第三期」報告,聲稱透過紫藤接觸了20名援交少女,但紫藤手頭上擁有的、資料較完整的援交少女個案,恐怕不足20人,全因紫藤並非不想多做援交少女個案,只因人手不足,不少職員處理手頭的個案,已經做到「死死吓」,根本沒有餘力再大做援交少女個案。
東方日報
據聞紫藤最擔心嘅,係事件令人誤解佢哋隨便洩露求助人資料,唔再搵佢哋幫手。對於未獲同意就公開披露資料,Starry堅稱只係雙方對「合作」一詞有唔同理解,基於雙方過去半年嘅「合作」,睇唔到紫藤提供嘅數據唔可以被引用,陳仲翔仲話在記者會上引用數據,係「Common Sense」(常識)喎。
事到如今,無論誰是誰非,Starry話絕對不能夠接受紫藤嘅嚴厲聲明。
明報
溝通上嘅誤會
民建聯噚日反擊,發出嚴正聲明,話雙方對合作理解唔同,民建聯同紫藤過去的確一齊探討援交問題,又話同紫藤「合作」半年,從未被知會唔可以引用紫藤提供嘅數據, 認為事件係「溝通上嘅誤會」。
民建聯喺聲明仲詳列出負責調查嘅民建聯經濟發展副發言人陳仲翔,同埋立法會議員李慧琼由今年月開始同紫藤接觸,包括出席紫藤定期舉辦嘅活動,同埋紫藤一齊開會嘅日子,話民建聯喺援交問題上嘅工作,部分係同紫藤一齊搞。
大公報
民建聯昨晚發出嚴正聲明,不接受紫藤於周二對該黨所作出的指控。聲明就紫藤的指控逐點作出回應。聲明指出,民建聯在部分援交問題的工作上,一直有和紫藤合作進行。然而,民建聯從來沒有提及接收紫藤轉介的個案,也沒有向紫藤或任何人透露該黨接觸的援交少女資料。此外,民建聯之前曾兩度致電詢問紫藤至今輔導過多少名援交少女,當中有多少人在遭遇侵犯時敢報警及其報警理由,就援交事件與紫藤「合作」六個月以來,從沒知悉及察覺過去「合作」和紫藤就以上兩條問題的數據不能被引用,事件屬於溝通上的誤會。
太陽報
博客擂台 By 小白、阿豪
小白觀點:為保財路一定要食腦
聖誕節臨近,有項調查發現援交少女為咗逃避警方放蛇,唔再大模廝樣喺網上搵客,轉而搞小圈子由熟客做馬伕。雖然此風不可長,但真係唔可以唔讚讚援交妹確係有遠見。
一直以嚟,好多人以為班口靚妹只係識得貪威識食,查實為咗有錢買名牌,佢哋唔會立亂破壞援交生態。我懷疑援交少女可能秘密開咗個地下「全港援交氣候峰會」,由各區援交領袖就減少被放蛇進行咗一連幾日嘅閉門會議,油尖旺同天水圍兩個最大援交強區嘅代表唔會各懷鬼胎,峰會冇爛尾之餘,最後仲達成咗一個「減蛇承諾」,佢哋都一致希望喺二○二○年前將被放蛇密度減低一半!
明報
民建聯日前公布一項調查,聲稱透過關注性工作者組織紫藤,接觸20 名從事援交的少女並進行分析,發現援交在過去半年有普及化趨勢。紫藤噚日就發出聲明,澄清從未與民建聯有「任何形式的合作」,包括民建聯剛公布的援交調查。
指部分內容遭扭曲
紫藤又話,該項調查只是引用紫藤於一些場合討論援交的看法,及私下對談的資料,當中部分內容遭扭曲。據該組織所知,民建聯並沒有「訪問」或「接觸」任何一個紫藤人員認識嘅援交少女,對民建聯嘅行為表示遺憾。Emily 噚日傳呼負責調查嘅民建聯立法會議員李慧琼,但至截稿前未獲回覆。